ဒီနေ့ဟာ အမေ သူ့အသက် ၂၆ နှစ်အရွယ်မှာ ကျနော့်ကို လူ့လောကထဲ ရောက်ရှိလာအောင် ခွန်အားကြီးမားစွာ စွမ်းဆောင်ခဲ့ရတဲ့ နေ့ (သို့မဟုတ်) လူအများ အလွယ်တကူ ပြောကြတဲ့ ကျနော့်မွေးနေ့ပေါ့။ အမေ မရှိပဲ မွေးနေ့ ဖြတ်သန်းလာခဲ့တာ လေးကြိမ်ရှိသွားပြီ။ အမေရှိစဉ်က ကျနော့်မွေးနေ့နဲ့ ကျနော့်အမေကို ဆက်နွယ်ပြီး သတိရ ရကောင်းမှန်း အသိအတွေး မရှိခဲ့တာ အမှန်ပါ။ ဒါကြောင့် အခုမှ တွေးမိတယ်...၊ 'အမေက မွေးပေးလို့သာ ဒီမွေးနေ့ဆိုတာကြီး ရှိလာရတာလို့...' ဘယ်သားသမီးကများ ကိုယ့်မွေးနေ့မှာ လေးလေးနက်နက် တွေးမိကြမှာပါလိမ့်..။ 'Happy Birthday!' လို့ ခင်မင်သူ မိတ်ဆွေတွေက ဆုတောင်းပေးကြတာကို မြိန့်မြိန့်ကြီး နားထောင်၊ ပျော်ရွှင်ရင်း ကိုယ့်ကို ပင်ပန်းကြီးစွာ မွေးဖွားပေးခဲ့တဲ့ ကိုယ့်အမေကို တဒင်္ဂလေး သတိရမိကြရဲ့လားလို့..။ ရှိစေတော့။ ဒီနှစ်မွေးနေ့အတွက် စာရေးဆရာမ ဒေါ်သန်းမြင့်အောင် ဦးစီးပျိုးထောင်နေတဲ့ 'ဆည်းဆာရိပ် ဂိလာန ဘိုးဘွားရိပ်သာ' ကို ရန်ကုန်မှာရှိတဲ့ တူတူမတွေကို အပူကပ်ပြီး အမေ့ကို ရည်စူးသတိရလျက် တဆင့်ငွေလှူဖြစ်လိုက်တယ်။ ရောက်ရာဘဝက သာဓုခေါ်ပါ အမေ...။ သားကို လူတလုံး သူတလုံးဖြစ်အောင် မွေးပေးခဲ့တဲ့ အမေ့ကို၊ သက်ရှိ...