အလှည့်ကျ မနွဲ့စတမ်း၊ အမေ့အတွက် ကဗျာ နှစ်ပုဒ်

အမေဆုံးတာ ဒီနေ့ ၃ နှစ်တင်းတင်းပြည့်ပြီ။ မနေ့ တနေ့ကလိုပဲလို့ ထင်မိတယ်။ နေ့တိုင်း နောင်တ တွေနဲ့ အမေ့ကို သတိရနေမိတယ်။ အမေက အသက် ၇၆ နှစ်ထဲပဲ နေသွားခဲ့ရတာ။ အလုပ်မှာ အသက် ၈၀ကျော် ၉၀ကျော် အဖိုး အဖွားတွေ၊ တကိုယ်တည်း သန်သန်မာမာ ခရီးသွားတာ တွေ့ရရင် အမေ့အသက်နဲ့ နှိုင်းပြီး အမေ့ကိုလည်း သူတို့လို အသက်ရှည်ရှည် နေစေချင်လိုက်တာ။ ရံဖန်ရံခါ အမေ့ အနီးတဝိုက် လှဲလှောင်းနေတဲ့ လူတွေရဲ့ကျောက်စာတိုင်တွေ လိုက်ဖတ်ပြီး၊ အမေ့သက်တမ်းနဲ့ တန်း လိုက်ညှိမိတယ်။ အမေ့ထက် သက်တမ်းကြာကြာ ပိုနေသွားရတဲ့သူတွေ တွေ့ရတဲ့အခါ၊ အမေ သူတို့လို သက်တမ်းစေ့ မနေလိုက်ရလေချင်းလို့ ဝမ်းနည်းမိတယ်။ ဒါပေမဲ့ အမေ့ထက် သက်တမ်းပိုတိုတဲ့သူတွေ တွေ့ပြန်တော့လည်း ဖြေသာသလို အရှိသား။

တရားသိသလိုလိုနဲ့ တရားမရှိတဲ့ ကျနော်။ အသက်ထင်ရှား ရှိစဉ်တုန်းကတော့ ဒီလို စိတ်ကူးမျိုး အိပ်မက်ထဲမှာတောင် မမက်ခဲ့ဖူးဘူး။ အမေ့အပေါ် အခြားသူတွေနဲ့ ပတ်သက်ပြီး အစာမကျေတဲ့ စိတ်တွေက များ နေခဲ့လို့မို့၊ အမေ အသက်ရှည်ရှည် နေနိုင်ပါစေလို့ ဆုမတောင်းခဲ့ဖူးဘူး၊ ဆန္ဒမပြုခဲ့ဖူးဘူး။ ကိုယ့်အပြောအဆို အပြုအမူကြောင့် အမေ စိတ်ထိခိုက်သွားလေမလား မငဲ့ညှာခဲ့ဖူးဘူး။ လမ်းလျှောက်ရင် နှေးလွန်းလို့ စိတ်မရှည်ခဲ့ဘူး။ အမေပြောချင်တာတွေ ပြောခွင့် မပေးခဲ့ဘူး..၊ ပြောခဲ့ရင်လည်း စိတ်ရှည်ရှည်ထား နားထောင်မပေးခဲ့ဘူး။ စဉ်းစားရမိသလောက် အမေ့ဆန္ဒတွေ ဘာတခုမှ မယ်မယ်ရရ လိုက်လျောပေးခဲ့တာ မရှိခဲ့ဘူး။ ကိုယ့်ဆန္ဒတွေကိုသာ ရှေ့တန်းတင်ခဲ့တာချည်းပဲ။ ကိုယ့်ဆန္ဒတွေ အရာမထင်ခဲ့ရင်လည်း အမေ့အပေါ် ဒေါသတွေ ပုံတော့တာပဲ။ အသက်ကြီးလို့ အားကိုးရာ၊ ခိုကိုးရာ လျော့ပါးပြီး အားငယ်နေတဲ့ အမေ့ကို စာနာမှုတွေ၊ ကြင်နာမှုတွေ၊ သနားညှာတာမှုတွေ ပြရ ထားရကောင်းမှန်း မသိ။ မောဟတွေ ဖုံးလွှမ်းနေခဲ့လိုက်တာ။

ဒေါသ မောဟ အတ္တတွေနဲ့ ကျနော်။ တနေ့ ... ကျနော်လည်း အမေ့လိုပဲ စိတ်သွားလို့ ကိုယ်မပါနိုင်တဲ့အခါ.. တက်လူတွေက မဖေးမတဲ့အပြင် မြည်တွန်တောက်တီး ငြူစူလာတဲ့အခါ.. အဲ့ဒါတွေကို ဘယ်လိုရင်ဆိုင်မလဲ။ ဝဋ်ဆိုတာ လည်တတ်တယ်တဲ့။ အဲ့ဒီ လည်တတ်တယ်ဆိုတဲ့ ဝဋ်တွေကို၊ အမေ မရှိတဲ့နောက်မှ ရ ရှိလာတဲ့ နောင် တ တွေကပဲ မကြောက်မရွံ့ ရင်ဆိုင်နိုင်ဖို့ အသိတရားတွေအဖြစ် ပြောင်းလဲ တည်ရှိနေစေပြီလား.. ဘာပဲဖြစ်ဖြစ် အလှည့်ကျ မနွဲ့စတမ်းပေါ့။ ။


အမေဆုံးပါးစဉ်က ကျနော့်ကိုယ်စား အမေ့အတွက် ရည်စူးရေးဖွဲ့ပေးခဲ့တဲ့ ကဗျာနှစ်ပုဒ် စိတ်ခွန်အားလက်ဆောင်အဖြစ် ရခဲ့တယ်။ တစ်ပုဒ်က အရှင်ဦးဉာဏိက (ဉာဏ်ဦးမောင်)က စာနာရေးဖွဲ့ပေးခဲ့တာ..။ နောက်တစ်ပုဒ်က စာရေးဆရာ ထိန်လင်းက ခံစားရေးဖွဲ့ပေးခဲ့တာပါ။ အမေ ကွယ်လွန်တာ သုံးနှစ်မြောက် အမှတ်တရအဖြစ် သူတို့ရဲ့ ကဗျာတွေကို ကျေးဇူးတင်စွာ ပြန်လည်ကူးယူ ဖော်ပြလိုက်ပါတယ်။ ။

အမေရဲ့ ထာဝရ

နှလုံး အေးအေးလေးနဲ့
ပြုံးပြုံးလေး အမေ့ပုံရိပ်
ထာဝရ အိပ်စက်ခဲ့ပြီပေါ့။

တိတ်တိတ်လေး
ကျိတ်လွမ်းတဲ့အခါ လွမ်း
တမ်းတကြေကွဲ
ဝမ်းနည်းတဲ့အခါ ဝမ်းနည်း
လမ်းခွဲသွားတဲ့ အမေ့အတွက်
သတိရနေမယ့် ရက်တွေကတော့
ရေတွက်လို့ ဆုံးနိုင်မယ်
မဟုတ်ပါဘူး
အမေ။

သားအရွယ် မငယ်ပေမယ့်
အားငယ်ချိန် အမေ့နားမှာဆို
ချိုမိုင်မိုင် ဟိုး ... ဓလေ့ ငယ်စဉ်အလား
အရွယ်ဆိုတာ ခဏမေ့
ခေါင်းဝှေ့လို့ နေလိုဆဲပါ
အမေ။

တကယ်တော့ အမေ
အမေ့ရောဂါ အတန်ကျွမ်းခဲ့ပေမယ့်
လန်းနေဆဲ အမေ့အကြင်နာများရယ်က
နွမ်းတယ်ရယ် ဘယ်မရှိတာမို့
အမေ့ရဲ့
လွမ်းသစ်ပင် သံစဉ်လေးဟာလည်း
(သားရင်မှာ)
လန်းရှင်ကာ ထာဝစဉ်
ထင်ကျန်ရစ်တော့မှာပါ
အမေရယ်။ ။

မေလ ၂၀ ရက်၊ ည၊ ၂၀၀၇ သားသမီးများ ကိုယ်စား

ဉာဏ်ဦးမောင်

^^^^^

အမေ မသေပါ
ထိန်လင်း

စကားတွေ လင်္ကာဖွဲ့
ဋီကာချဲ့ အမေမဆို
နဂိုနေ မျက်နှာထားတွေက
ဖော်ပြခဲ့ အမေ့ရင်မှာ
ပန်းမာလာ ထုံပျံ့သင်း
ပန်းတစ်ခင်းတော့ ရှိမှာပါ။

အေဘီစီဒီ အမေမဆို
ကကြီး ခခွေးကို အဖော်ပြုရင်း
မြန်မာသီချင်း မြန်မာ့ဟန်
မြန်မာသံတွေနဲ့ ပျော်မွေ့
မမေ့နိုင်စရာ။

ဘဝတပါး၊ အမေသွားလည်း
အမေ့စကား ... ချစ်တရားတွေ
အမေ့ရုပ်ဝါ ... အေးမေတ္တာတွေ
အမေ့အသံ ...စမ်းကျသံတွေ
မိုးယံ ပဲ့တင် အသက်ဝင်လျက်
ကြည်လင်ချမ်းမြ အေးဆဲပင်။

အမေ လွန်သေ သွားလေပြီလား
ထိုတရားနဲ့ လက်ခံနှုတ်ဆက်
လွမ်းလက်ပြလည်း
ရင်မှ အမေ၊ တို့အမေက
ထာဝရ အမေ၊ တည်ရှိနေမည်
အမေ မသေ၊ ဘယ်မသေ
ဘယ်တော့မှ မသေပါ။ ။

၂၀၀၇ မေလ ၂၀ ရက် (တနင်္ဂနွေနေ့) မိခင် ဒေါ်ကျင်ရွှေ ကွယ်လွန်ခြင်းအတွက် ရေးဖွဲ့ပါသည်။