ဟိုတုန်းက မိသားစုထမင်းဝိုင်းလေးကို လွမ်းပါဘိတော့...

ဟိုတနေ့က မကြာခဏ ဆင့်ခေါ်ခံရလေ့ရှိတဲ့ တရားစီရင်ရေး တာဝန် (Jury Duty) ထမ်းဆောင်နေရင်း၊ အမှတ်မထင် ဖတ်လိုက်မိတဲ့ သတင်းဆောင်းပါးတို တပုဒ်ကြောင့် မြန်မာရုပ်ရှင်တွေထဲကလို နောက်ကြောင်းတွေ ပြန်တွေးမိပြီး ငယ်စဉ်က မိသားစုထမင်းဝိုင်းလေးကို ဝိုးတိုးဝါးတား ပြန်ရောက်သွားခဲ့ရတယ်.. အထူးသဖြင့် အဲ့ဒီထမင်းဝိုင်းက ငါးပိရည် တို့စရာတွေ လက်နဲ့ နယ်ဖတ်ပြီး အားပါးတရ စားလေ့ရှိတဲ့ မိခင်ကြီးကို အရမ်းသတိရမိတယ်။ ဒီတသက် ဘယ်တော့မှ ပြန်မရနိုင်တော့တဲ့ အဲ့ဒီထမင်းဝိုင်းလေးကို တန်ဘိုးထားရမှန်း အသိ၊ အလင်းဝင်မိတဲ့အချိန်ကတော့ အလွန်နှောင်းနေပါပြီ။

ဖတ်မိတဲ့ ဆောင်းပါးခေါင်းစဉ်က "Rediscovering the joys of shared meals in your household" တဲ့။ မြန်မာလို ဆီလျော်အောင် ဘာသာပြန်ရရင် "သင့်မိသားစုအတွင်း လက်ဆုံစားသောက်ခြင်းရဲ့ ပျော်ရွှင်မှုများကို ပြန်လည်တူးဆွခြင်း" ပေါ့။ အဲဒီဆောင်းပါးမှာ ခုလိုနိဒါန်းပျိုးထားပါတယ်။ ခုခေတ် အမေရိကမှာ မိသားစု စုံစုံညီညီ ဝိုင်းဖွဲ့စားသောက်ကြဖို့ဆိုတာ လွယ်ကူလှတဲ့ အခွင့်အရေး မဟုတ်တော့ပါဘူးတဲ့။ နေ့စဉ် ဇယ်စက်သလို များပြားလှတဲ့ အလုပ်ချိန်ဇယားနဲ့ ရှည်လျားတဲ့ အလုပ်ချိန်နာရီတွေအပြင် ခေတ်မီနည်းပညာတွေက အမေရိကန်နိုင်ငံသားတွေ စားပွဲမှာ အတူဝိုင်းဖွဲ့စားသောက်ဘို့ တခမ်းတနား အချိန်မယူနိုင်ကြတော့ဘူးတဲ့.. ဒါနဲ့ပဲ ရရာအစာကို အလျဉ်းသင့်သလို ရယူ စားသောက်ပြီး၊ လုပ်ကိုင်စရာရှိတာတွေကို ဆက်လက်လုပ်ကိုင်ရတာကမှ ပိုမိုလွယ်ကူ အဆင်ပြေတယ်လို့ အထင်ရှိ စေပါတော့တယ်တဲ့ဗျာ။

ဒါပေမဲ့ အမေရိကန်မိသားစု အများစုကတော့ ညစာစားပွဲဝိုင်းမှာ မိသားစု စုံစုံညီညီ ဝိုင်းဖွဲ့စားသောက်ရခြင်းကို အလွန်အမင်း တမ်းတကြပါတယ်။ Barilla က ကောက်တဲ့ စစ်တမ်းတခုအရ အမေရိကန်နိုင်ငံသား ၉၃% က ညစာစားချိန်ဟာ မိသားစုတစုအတွင်း ရင်းရင်းနှီးနှီး ထိတွေ့ဆက်ဆံရေးမှာ အကောင်းဆုံး အခွင့်အရေးလို့ အသိအမှတ်ပြုကြတယ်တဲ့။ မိသားစုဝင်တွေ ညစာအတူ မစားဖြစ်စေတဲ့ အဟန့်အတားတွေကတော့ အလုပ်ချိန်မတူတာ၊ ကလေးတွေရဲ့ ဗာဟီရကိစ္စတွေ အချိန်ကွဲပြားတာ၊ မိသားစုဝင်တချို့ အစားအသောက် ချေးများတာတွေကြောင့်လို့ဆိုပါတယ်။ ဒီအဟန့်အတားတွေကိုသာ ကျော်လွှားနိုင်မယ်ဆိုရင်၊ မိသားစုဝင်တိုင်းအတွက် ရေရှည်မှာ အကျိုးဖြစ်ထွန်းစေမှာပါတဲ့။ အဲ့ဒီစစ်တမ်းအရ မိသားစုဝင်တွေနဲ့အတူ ကြိမ်ဖန်များစွာ မကြာခဏ လက်ဆုံစားသောက်ဖြစ်ကြတဲ့ အမေရိကန်နိုင်ငံသား အများစုဟာ၊ ဘဝနေထိုင်ရေးရာ အဖက်ဖက်မှာ စိတ်ကျေနပ်မှုတွေ ပိုမိုရရှိကြတယ်.. လူမှုပေါင်းသင်းဆက်ဆံရေး၊ ကိုယ် စိတ်ကျန်းမာရေး၊ ဘဝ တိုးတက်အောင်မြင်ရေး အစရှိသည်တို့မှာ အခြားသူတွေထက် ပိုမြင့်မားကြတယ်တဲ့။

အထက်ပါ အချက်တွေအပြင်..

* လက်ဆုံစားသောက်ခြင်းဟာ မိသားစုလိုက် အပျော်ခရီးရှည်ထွက်ခြင်း၊ အတူ ကစားခုန်စားခြင်း နဲ့ ဘုရားကျောင်းကန် ဘာသာရေးအခန်းအနား အတူတက်ရောက်ခြင်း စတဲ့ အခြားလှုပ်ရှားမှုတွေထက်စာရင်၊ မိသားစုဝင်အချင်းချင်း ရင်းရင်းနှီးနှီး ထိတွေ့ဆက်ဆံရေးကို အထိရောက်ဆုံး အထောက်အကူဖြစ်စေတယ်လို့ ဆိုပါတယ်။

* မိသားစု ၁၀ စု အနက် ၆ စုက မိသားစုဝင် (သို့) မိတ်ဆွေသူငယ်ချင်းများနဲ့ အဆက်အသွယ်မပြတ် ထိတွေ့ဆက်ဆံလိုသော်လည်း၊ အဲ့ဒီလိုလုပ်ဖို့ရာ အခွင့်အလမ်းများစွာ မရရှိကြပါဘူးတဲ့။

* ပုံမှန် လက်ဆုံစားဖြစ်တဲ့ မိသားစုတွေထဲမှာလည်း အဝလွန်တဲ့ ကလေးတွေ အတော်နည်းတယ်လို့ ဆိုပါသေးတယ်။

"လက်ဆုံစားခြင်းဟာ အစားအသောက်ချည်း သက်သက်သုံးဆောင်ရုံမျှ မဟုတ်ပါဘူး.. အခုလို သွားသုတ်သုတ် လာသုတ်သုတ် ကမ္ဘာကြီးမှာ၊ မိသားစုဝင် အချင်းချင်း ရင်းရင်းနှီးနှီး ထိတွေ့ဆက်ဆံရေးအတွက် အဘိုးတန်လှတဲ့ အခွင့်အလမ်းကောင်း တခုပါ။" လို့ မီနီဆိုတာ တက္ကသိုလ် (University of Minnesota) ရဲ့ မိသားစုနဲ့ လူမှုသိပ္ပံဌာန (Department of Family and Social Science) ပါမောက္ခ နဲ့ မိသားစုရေးရာ ပညာရှင် တဦးဖြစ်သူ Dr. William Doherty က ဆိုပါတယ်။ "မိဘတွေက အချိန်ယူ ဦးဆောင်ပြီး ညစာ ပုံမှန်လက်ဆုံစားသောက်ဖြစ်တဲ့အခါ၊ သူတို့ရဲ့ကလေးတွေဟာလည်း ပိုမိုကျန်းမာပြီး၊ ဉာဏ်ရည်ထက်မြတ်ကာ၊ ပတ်ဝန်းကျင်နဲ့လည်း လိုက်လျောညီထွေစွာ ကြီးထွားဖွံ့ဖြိုးကြပါတယ်။" တဲ့။ ဆောင်းပါးက ဒါလောက်ပါဘဲ။

ဒါပေမယ့် ကျနော့်ကိုတော့ အတွေးတွေ၊ အဆွေးတွေ တပွေ့တပိုက်ကြီး ပေးခဲ့ပါတယ်။ အထူးသဖြင့် ဖေဖော်ဝါရီ ၁၀ ရက်နေ့မှာ အသက် ၇၉ နှစ်ပြည့်မှာဖြစ်ပြီး၊ မေလ ၂၀ ရက်နေ့မှာ ဘဝတပါးပြောင်းသွားတာ ၃ နှစ်တင်းတင်းပြည့်တော့မယ့် မိခင်ကြီးကို တမ်းတမ်းတတ သတိရမိလိုက်တယ်။ ဟိုး ငယ်စဉ်က ရန်ကုန် တရုတ်တန်း လမ်းဘေးပလက်ဖောင်းပေါ်မှာ၊ မော်လမြိူင် ဈေးထဲမှာမိခင်ကြီးနဲ့အတူ ဝိုင်းဖွဲ့ဆောင့်ကြောင့်ထိုင်ပြီး (လူပုံလည်မှာ ကြိုက်မရှက် ငတ်မရှက်) ဒူးရင်းသီး စားခဲ့တာ၊ ရွှေတိဂုံဘုရားကရခိုင်တန်ဆောင်းမှာ ဝါဝင်ဝါထွက် ဥပုသ်နေ့တွေမှာ ဥပုသ်စောင့်လေ့ရှိတဲ့ မိခင်ကြီး ရှိရာလိုက်သွားပြီး သူကိုယ်တိုင်ချက်တဲ့ ငါးခူ မျှစ် ချဉ်ပေါင်ဟင်းရည်နဲ့ ထမင်းလက်ဆုံ စားခဲ့ရတာတွေကိုလည်း မြင်ယောင်မိပါသေးတယ်။

ကွယ်.. ပြန်မရနိုင်တော့တဲ့ ဟိုတုန်းက မိသားစုထမင်းဝိုင်းလေးကို လွမ်းပါဘိတော့...

်