နာမည်ကြီး ဘလော့ဂါတွေလည်း သူတို့ဘလော့ဂ်တွေမှာ ပို့စ်အသစ်မတင်ဖြစ်တာ တချို့ဆို နှစ်တောင်ချို့နေပြီ။ ဒါကြောင့် ကိုယ့်ဘလော့ဂ်လဲ နှစ်မချို့ခင် အသစ်လေး တင်ချင်စိတ် ပေါက်လာမိတယ်။ နောင်မကြာခင်ဆို ဘလော့ဂ်ဆိုတာကြီး ရှိချင်မှ ရှိတော့မှာလေ။ လောကဓမ္မတာအရ သူ့နေရာမှာ ဖေ့ဘွတ်(Facebook) ဆိုတာကြီး ခေတ်စားလာတော့ ကျနော်ကိုယ်တိုင်လည်း တနေ့တနေ့ ဖေ့ဘွတ်မှာပဲ အချိန်ကုန် ကုန်နေတာ။ ကိုယ်ဘလော့ဂ်လေးကိုတော့ သံယောဇဉ်အကြီးအကျယ် မရှိမိပါဘူး။ သင်္ခါရသဘောကို စောကြောမိတာမို့ ပျက်ချိန်တန် ပျက်မှာကိုလည်း ကြိုလက်ခံပြီးသားပဲလေ။ ဒါပေမဲ့ ကျနော့်ရဲ့ "ပဲပြုတ်အလွယ်ချက်နည်း"ကို လူအတော်သိနေတာဆိုတော့ ဘယ်သူတွေများ ဒီပဲပြုတ်ချက်နည်းကို လာလာကြည့်ကြသလဲ၊ ဘယ်နိုင်ငံကလဲ... ဘယ်နှစ်ယောက်ရှိလဲ ဆိုတာကိုတော့ နည်းနည်းစိတ်ဝင်စားပါသေးတယ်။ ဒီချက်နည်းနဲ့ အချိန်တိုတိုအတွင်း အဆင်ပြေပြေ အလွယ်ချက်စားနိုင်ကြတယ်ဆိုတာမျိုး မှတ်ချက်ဖတ်ရရင် အလွန်ကျေနပ်မိပါတယ်။ ကိုယ်ကိုယ်တိုင်လည်း ခုထိ ဒီချက်နည်းနဲ့ပဲ စိတ်ချမ်းသာနေရတုန်းပါပဲ။ အင်း... ကိုယ့်ငါးချဉ် ကိုယ်ချဉ်နေမိပြီ ထင်ပါရဲ့။ တကယ်တော့ ဒီပို့စ်မှာ ပြောချင်တာ ဘာမှမရှိလို့ ဗလာအင်ထရို ဝင်လိုက်တာပါ။ နောက်ဆုံးတင်ထားတဲ့ ပို့စ်လေး နှစ်မချို့ခင် အပြောင်းအလဲဖြစ်အောင် ပို့စ်အသစ်တင်ချင်တဲ့ ဆန္ဒပဲ ရှိနေတာလေ..။ ဒီတော့ ဘာမှ မပြောမရေးပဲ ကိုယ်ရိုက်ထားတဲ့ ပုံလေးတွေ တင်လိုက်ရင်လဲ ဖြစ်တာပဲ မဟုတ်လား။ ဒါပေမဲ့ အဲလို တုံးတိကြီးတော့ ဖီလင်မရှိပါဘူး။ ကိုယ်က ဓာတ်ပုံဆရာ မဟုတ်တာတော့ ပုံတွေကြည့်တာနဲ့တင် ရိပ်မိမှာပါ။ ဒါပေမဲ့လေ.. အနူတောထဲက လူချောလို့ ကိုယ့်ကို အထင်ကြီးတာဆိုတော့ ကိုယ်ကြိုက်တဲ့ ရှုခင်းပုံလေးတွေနဲ့ စားစရာပုံတွေကို ကြုံသလို ကျဘန်းတင်လိုက်ပါတယ်။ ပုံတွေအားလုံးကို ၂၀၁၂ ကုန် ၂၀၁၃ ခုနှစ်အကူး ရန်ကုန်အလည်ရောက်တုန်းက ရိုက်ထားတာပါ။ အပျော်အလွယ်ရိုက် ကင်မရာ Canon PowerShot SD980 IS DIGITAL ELPH နဲ့ ရိုက်ထားတာမို့ ပုံထွက် မကောင်းပါဘူး။ ဒါကြောင့် ပိုကြည့်ကောင်းအောင် အနားတွေဖဲ့ အရောင်တွေမြှင့် လုပ်ထားပါတယ်။ ခံစား နားဆင် အဲ ရှုစားကြည့်ကြပါဦးခင်ဗျား...။ ဒချိ ဒချိ ...
